ເສດຖະກິດ

ການຄ້າລາວ-ຈີນ ມີຫລາຍອັນຄົງຄ້າງ, ມູນຄ່າການຄ້າຍັງຕ່ຳທຽບໃສ່ປະເທດອ້ອມຂ້າງ

ວັນທີ 26/01/2011 – ເວລາ 21:16:28 ສົ່ງຂ່າວນີ້ໃຫ້ເພື່ອນ ພິມຂ່າວນີ້

ໂດຍ: ສະຫມານ

ຜ່ານມາລັດຖະບານສອງປະເທດລາວŒຈີນຈະເອົາໃຈໃສ່ສູງຕໍ່ວຽກງານການຄ້າສອງຝ່າຍຢ່າງຈິງຈັງ ແລະ ມີທ່າຂະຫຍາຍຕົວຢ່າງຕໍ່ ເນື່ອງກໍ່ຕາມແຕ່ເບິ່ງສະພາບໂດຍລວມແລ້ວມູນຄ່າການຄ້າທຽບໃສ່ປະເທດອ້ອມຂ້າງເຊັ່ນ: ກຳປູເຈຍ, ມຽນມາແລ້ວ ເຫັນວ່າຍັງຢູ່ໃນລະ ດັບຕ່ຳ ແລະມີສະພາບຂາດດຸນການຄ້ານຳກັນມາຕະຫລອດ, ຍ້ອນຫລາຍສາເຫດທີ່ຍັງປະຕິບັດບໍ່ທັນໄດ້ ແລະ ມີລັກສະນະຍ່ອຍຫລາຍ ເກີນໄປ.

ກົມນະໂຍບາຍການຄ້າຕ່າງປະເທດ ກະຊວງອຸດສາຫະກຳ ແລະການຄ້າລາຍງານວ່່າ: ລັດຖະບານພວກເຮົາໄດ້ພະຍາຍາມເພີ່ມທະ ວີການພົວພັນຮ່ວມມືສອງຝ່າຍໃນຫລາຍລະດັບ ໂດຍສະເພາະກັບແຂວງຢຸນນານລວມທັງການວາງສະແດງສິນຄ້າຕ່າງໆ ໃນແຕ່ລະປີກໍ່ ຕາມ, ແຕ່ການສົ່ງອອກສິນຄ້າຕົວຈິງທີ່ ສປປລາວ ໄດ້ຮັບສິດທິພິເສດຈາກ ສປຈີນກໍ່ຍັງບໍ່ເປັນສິ່ງທິ່ຫນ້າພໍໃຈປານໃດເນື່ອງຈາກວ່າຫນຶ່ງ ໃນສາເຫດແມ່ນສິນຄ້າທີ່ຜະລິດພາຍໃນເອງຍັງບໍ່ທັນສອດຄ່ອງກັບບັນຊີສິນຄ້າທີ່ສປຈີນໄດ້ໃຫ້ສິດທິພິເສດ.

ໃນສ່ວນສິນຄ້າທີ່ພວກເຮົາສົ່ງອອກສ່ວນໃຫຍ່ໃນປະຈຸບັນລ້ວນ ແຕ່ນຳຜ່ານການຄ້າຊາຍແດນເປັນສິນຄ້າລາຍຍ່ອຍຫມົດ, ອີກດ້ານ ຫນຶ່ງພາຍຫລັງທີ່ ສປ ຈີນໄດ້ເປັນສະມາຊິກອົງການການຄ້າໂລກນັບແຕ່ 2001 ເປັນຕົ້ນມາ, ສປ ຈີນເອງກໍ່ໄດ້ເຂັ້ມງວດກວດຂັນແລະ ປະຕິບັດແບບມາດຕະຖານດຽວ ຕໍ່ສິນຄ້າມາຈາກປະເທດທີ່ບໍ່ແມ່ນສະມາຊິກອົງການການຄ້າໂລກດ້ວຍກັນ ເຊັ່ນ: ມີການຮຽກຮ້ອງທາງ ດ້ານມາດຕະຖານ, ຄຸນນະພາບ, ດ້ານສຸຂະອະນາໄມ ແລະ ອື່ນໆ.

ໃນຂະນະດຽວກັນໂຄງປະກອບການສົ່ງອອກສິນຄ້າຂອງລາວໄປ ສປ ຈີນ ຍັງບໍ່ທັນຫລາກຫລາຍ, ປະລິມານຫນ້ອຍ ແລະ ມູນຄ່າ ຕ່ຳສິນຄ້າສົ່ງອອກສ່ວນໃຫຍ່ຊ້ຳຜັດເປັນຊັບພະຍາກອນ ຍັງບໍ່ໄດ້ຮັບການປຸງແຕ່ງໂດຍສະເພາະນັບຄືນຫລັງຈາກປີ 2000 ການສົ່ງອອກ ສິນຄ້າປະເພດໄມ້ທ່ອນໄປຕະຫລາດຈີນກວມ 50% ຂຶ້ນໄປຂອງຍອດມູນຄ່າການສົ່ງອອກແຕ່ປະຈຸບັນການສົ່ງອອກເປັນໄມ້ທ່ອນລັດຖະ ບານໄດ້ເກືອດຫ້າມສົ່ງອອກແລ້ວຫັນມາປຸງແຕ່ງເປັນຜະລິດຕະພັນ ຫລື ສ້າງມູນຄ່າເພີ່ມກ່ອນການສົ່ງອອກ.

ແນວໃດກໍ່ຕາມບັນຫາດັ່ງກ່າວ ພວມໄດ້ຮັບການແກ້ໄຂເມື່ອຂັ້ນນຳສູງສຸດຂອງສອງປະເທດໄດ້ມີການຕົກລົງນຳກັນໃນການຮ່ວມມືພິ ເສດຕ່າງຝ່າຍຕ່າງໄດ້ຮັບຜົນປະໂຫຍດໂດຍສະເພາະການລົງທຶນ, ຂະແຫນງການຄ້າ… ມາຮອດປະຈຸບັນລາວເຮົາກໍ່ສຳເລັດການເຈລະ ຈາສອງຝ່າຍກັບ ສປ ຈີນ  ໃນຂອບຂອງອົງການການຄ້າໂລກສຳລັບການຄ້າດ້ານສິນຄ້າ ແລະ ການບໍລິການ, ສ່ວນບັນຫາທີ່ເປັນຂໍ້ຄົງ ຄ້າງ, ອຸປະສັກທີ່ເປັນສິ່ງກີດຂວາງທາງການຄ້າ ແລະ ການປະຕິບັດການທີ່ບໍ່ສອດຄ່ອງກັບນະໂຍບາຍ ຫລືສິດທິພິເສດທາງການຄ້າກຳ ລັງໄດ້ຮັບການແກ້ໄຂ ໂດຍສະເພາະແມ່ນການປັບປຸງຢູ່ພາຍໃນ ກໍ່ຄືການສ້າງສິ່ງອຳນວຍໃນການຍົກຄຸນນະພາບຂອງສິນຄ້າໃຫ້ສູງຂຶ້ນ ເຮັດໃຫ້ມີຄວາມຫລາກຫລາຍຖືກຕາມເປົ້າທີ່ຕະຫລາດຈີນຕ້ອງການ, ທັງນີ້ກໍ່ເພື່ອເຮັດໃຫ້ມູນຄ່າການຄ້າສອງຝ່າຍສູງຂຶ້ນໄປສູ່ຈຸດໄດ້ດຸນ ການຄ້າເທື່ອລະກ້າວ.

2plag

03-05-2011

ການຄ້າລາວ-ຈີນ ມີມູນຄ່າເກີນ 1,000 ລ້ານໂດລາ ໃນປີ 2010

ການຄ້າລະຫວ່າງລາວກັບຈີນ ມີມູນຄ່າລວມ ເກີນ 1,000 ລ້ານໂດລາ ໃນປີ 2010 ທີ່ຜ່ານມາ ໂດຍເປັນຜົນມາຈາກການທີ່ກຸ່ມທຸລະກິດຈາກຈີນໄດ້ພາກັນຫຼັ່ງໄຫຼ ເຂົ້າໄປລົງ ທຶນໃນລາວຫຼາຍຂຶ້ນຢ່າງຕໍ່ເນື່ອງ.

ລາຍງານໂດຍ ຊົງຣິດ ໂພນເງິນ | ບາງກອກ

ຮູບຈາກ: Songrit Pongern

ກອງປະຊຸມກ່ຽວທຸລະກິດການຄ້າລະຫວ່າງລາວແລະຈີນທີ່ຈັດຂຶ້ນ ເມື່ອໝໍ່ໆມານີ້

ທ່ານນາມ ວິຍະເກດ ລັດຖະມົນຕີວ່າການກະຊວງອຸດສະ
ຫະກໍາ ແລະການຄ້າຂອງລາວ ຖະແຫຼງວ່າການຄ້າລະ
ຫວ່າງລາວກັບຈີນໃນຕະຫຼອດປີ 2010 ທີ່ຜ່ານມາ ມີ
ມູນຄ່າລວມສູງກວ່າເປົ້າໝາຍທີ່ທາງການທັງສອງຝ່າຍ
ໄດ້ວາງເອົາໄວ້ ຊຶ່ງກໍຄືໃນຂະນະທີ່ເປົ້າໝາຍໄດ້ວາງເອົາໄວ້ທີ່ລະດັບ 1,000 ລ້ານໂດລານັ້ນ ກໍປາກົດວ່າການຄ້າທີ່ທັງສອງຝ່າຍປະຕິບັດໄດ້ຈິງນັ້ນມີມູນຄ່າລວມເຖິງ 1,055 ລ້ານໂດລາ.

ຍິ່ງໄປກວ່ານັ້ນກໍຍັງປາກົດວ່າລາວເປັນຝ່າຍທີ່ໄດ້ປຽບເກີນດຸນການຄ້າຕໍ່ຈີນອີກດ້ວຍ ຊຶ່ງກໍ
ຄືໃນຂະນະທີ່ລາວນໍາເຂົ້າສິນຄ້າຈາກຈີນຄິດເປັນມູນຄ່າລວມ 484 ລ້ານໂດລາ ຫຼືເພີ່ມຂຶ້ນ
28.2% ເມື່ອປຽບທຽບກັບປີ 2009 ນັ້ນກໍປາກົດວ່າລາວໄດ້ສົ່ງອອກສິນຄ້າໄປຈີນຄິດເປັນ
ມູນຄ່າລວມເຖິງ 571 ລ້ານໂດລາ ຫຼືເພີ່ມຂຶ້ນເຖິງ 52.5% ເມື່ອທຽບໃສ່ກັບປີ 2009.

Songrit Pongern

ທ່ານ ຈູມມະລີ ໄຊຍະສອນ ປະທານ ປະເທດລາວ ກັບທ່ານ ຫູ ຈິນເຖົາ ປະທານປະເທດຈີນ ພົບປະກັນໃນປີ 2010

ແຕ່ຢາງໃດກໍຕາມ ການທີ່ມູນຄ່າການຄ້າ
ລະຫວ່າງລາວກັບຈີນເພີ່ມຂຶຶ້ນ ແລະລາວ
ກໍເປັນຝ່າຍໄດ້ປຽບດຸນການຄ້າຕໍ່ຈີນນັ້ນ
ກໍເປັນຍ້ອນວ່າບັນດານັກທຸລະກິດຈີນໄດ້
ພາກັນຫຼັ່ງໄຫຼເຂົ້າມາລົງທຶນຢູ່ໃນລາວຫຼາຍ
ຂຶ້ນຕໍ່ເນືອງ. ໃນຊ່ວງປີ 2000-2010 ທີ່
ຜ່ານມານັ້ນ ກໍ່ປາກົດວ່າກຸ່ມທຸລະກິດຈີນ
ໄດ້ເຂົ້າມາລົງທຶນໃນລາວ ຄິດເປັນມູນຄ່າ
ລວມເກີນກວ່າ 3,600 ລ້ານໂດລາ ແລະ
ກໍກາຍເປັນປະເທດທີ່ລົງທຶນໃນລາວຫຼາຍ
ທີ່ສຸດແລ້ວ.

ເພາະສະນັ້ນ ຈຶ່ງເຮັດໃຫ້ຕ້ອງມີການນໍາສິນ
ຄ້າປະເພດທຶນເຂົ້າມາໃນລາວຫຼາຍຂຶ້ນ ແລະໃນຂະນະດຽວກັນກຸ່ມທຸລະກິດຈີນທີ່ລົງທຶນໃນ
ລາວຫຼາຍກວ່າ 440 ໂຄງການນັ້ນ ກໍໄດ້ພາກັນສົ່ງຜົນຜະລິດຈາກລາວ ກັບຄືນໄປປະເທດ ຈີນເພີ່ມຫຼາຍຂຶ້ນນັບມື້ອີກດ້ວຍເຊັ່ນກັນ. ດ້ວຍເຫດນີ້ ຈຶ່ງເຮັດໃຫ້ລາວເປັນຝ່າຍທີ່ໄດ້ປຽບ
ດຸນການຄ້າຕໍ່ຈີນນັ້ນເອງ.

ນອກຈາກນີ້ ເພື່ອເປັນການຮັບປະກັນວ່າການຄ້າລະຫວ່າງລາວກັບຈີນຈະຍັງມີມູນຄ່າເພີ່ມ
ສູງຂຶ້ນອີກຢ່າງຕໍ່ເນື່ອງ ລວມທັງຍັງເພື່ອເປັນການສ້າງເງື່ອນໄຂສະດວກໃຫ້ກັບການລົງທຶນ
ຂອງກຸ່ມທຸລະກິດຈີນໃນລາວອີກດ້ວຍນັ້ນ ທາງການລາວກັບຈີນກໍຍັງໄດ້ຕົກລົງຮ່ວມມືກັນ
ຢ່າງໃກ້ຊິດເຂົ້າໃນການປ້ອງກັນ ແລະຮັກສາຄວາມສົງຮຽບຮ້ອຍທັງພາຍໃນປະເທດ ແລະຢູ່
ຕາມຊາຍແດນລະຫວ່າງສອງປະເທດໃຫ້ໄດ້ຢ່າງມີປະສິດທິພາບອີກດ້ວຍ ດັ່ງທີ່ທ່ານທອງບັນ
ແສງອາພອນ ລັດຖະມົນຕີວ່າການກະຊວງປ້ອງກັນຄວາມສະງົບພາຍໃນຂອງລາວ ໄດ້ຖະ
ແຫຼງຢືນຢັນວ່າ:

Songrit Pongern

ທ່ານທອງບັນ ແສງອາພອນ ລັດຖະມົນຕີກະຊວງ ປ້ອງກັນຄວາມສະງົບພາຍໃນຂອງລາວ

“ການພົວພັນຂອງສອງກະ
ຊວງພວກເຮົາກໍ່ເພື່ອຮອງ
ຮັບເອົາການຂະຫຍາຍຕົວ
ການພັດທະນາເສດຖະກິດ
ຂອງສອງຊາດໂດຍສະເພາະ
ແມ່ນໂຄງການທາງລົດໄຟ
ທີ່ມີຄວາມໄວສູງ ແລະບັນ
ດາໂຄງການອື່ນໆ ຊຶ່ງລັດ
ຖະບານສອງປະເທດໄດ້
ຮ່ວມລົງນາມກັນແລ້ວ
ລວມເຖິງນັກທຸລະກິດຈີນ
ທີ່ໄດ້ມາລົງທຶນຢູ່ໃນ ສປປ
ລາວຂອງພວກຂ້າພະເຈົ້າ
ໃຫ້ມີຄວາມປອດໄພ 100%”

ສໍາລັບໃນຕະຫຼອດປີ 2011 ນີ້
ກະຊວງອຸດສາຫະກໍາ ແລະການ
ຄ້າໄດ້ວາງຄາດໝາຍທີ່ຈະສົ່ງເສີມການສົ່ງອອກສິນຄ້າໄປຕ່າງປະເທດ ໃຫ້ໄດ້ໃນມູນຄ່າລວມ
ບໍ່ໜ້ອຍກວ່າ 1,220 ລ້ານໂດລາຫຼືເພີ່ມຂຶ້ນຈາກປີ 2010 ໃນອັດຕາສະເລ່ຍເຖິງ 17.55%.

ສ່ວນການນໍາເຂົ້າສິນຄ້າຈາກຕ່າງປະເທດນັ້ນ ທາງການກະຊວງອຸດສະຫະກໍາ ແລະການຄ້າ
ຂອງລາວກໍຈະຄວບຄຸມໃຫ້ຢູ່ໃນລະດັບມູນຄ່າລວມບໍ່ເກີນ 1,240 ລ້ານໂດລາ ຊຶ່ງກໍ່ຈະເຮັດ
ໃຫ້ລາວຂາດດຸນການຄ້າຕ່າງປະເທດໃນມູນຄ່າລວມຕໍ່າກວ່າ 20 ລ້ານໂດລາຫຼືບໍ່ເຖິງ 1%

ຂອງມູນຄ່າການຄ້າຕ່າງປະເທດທັງໝົດ.

ແຕ່ສໍາລັບໃນປີ 2010 ທີ່ຜ່ານມານັ້ນກໍປາກົດວ່າ ລາວໄດ້ສົ່ງອອກສິນຄ້າໄປຕ່າງປະເທດຄິດ
ເປັນມູນຄ່າລວມ 1,030 ລ້ານໂດລາ ຫຼືເກີນຄາດໝາຍເຖິງ 18.38%. ຫາກແຕ່ວ່າສໍາລັບ
ໃນດ້ານການນໍາເຂົ້າສິນຄ້າຈາກຕ່າງປະເທດນັ້ນ ກໍມີມູນຄ່າລວມເຖິງ 1,250 ລ້ານໂດລາຊຶ່ງ
ຖືວ່າເກີນກວ່າລະດັບຄາດໝາຍທີ່ວາງເອົາໄວ້ ເຖິງ 19.49% ແລະກໍເຮັດໃຫ້ລາວຕ້ອງຂາດ
ດຸນການຄ້າຕ່າງປະເທດ ເຖິງ 220 ລ້ານໂດລາ.

-ຫວຽດນາມ ພວມຊອກກົນໄກຍົກມູນຄ່າການຄ້າໃຫ້ສູງຂຶ້ນ

ວັນທີ 15/08/2011 – ເວລາ 18:56:02 ສົ່ງຂ່າວນີ້ໃຫ້ເພື່ອນ ພິມຂ່າວນີ້

ໂດຍ: ສະ­ຫມານ

   ໃນຂອບການຮ່ວມມືການຄ້າສອງຝ່າຍລາວ-ຫວຽດນາມ, ທັງສອງຝ່າຍໄດ້ຮ່ວມກັນວາງນະ­ໂຍ­ບາຍຊຸກຍູ້ສົ່ງ­ເສີມການຄ້າຢ່າງເປີດກວ້າງ, ກະຕຸ້ນໃຫ້ສິນ­ຄ້າເຂົ້າ-ອອກສອງປະເທດໃນແຕ່ລະປີມີມູນຄ່າເພີ່ມຂຶ້ນ, ເຖິງວ່າຜ່ານມາການພົວ­ພັນການຄ້າ, ມູນຄ່າການຄ້ານັບມື້ນັບດີຂຶ້ນກໍ່ຕາມ, ສອງປະ­ເທດຍັງເບິ່ງວ່າມູນຄ່າການຄ້າຮ່ວມກັນຍັງຢູ່ລະ­ດັບຕ່ຳຢູ່ ແລະ ມີຄວາມຈຳ­ເປັນທີ່ສອງກະ­ຊວງອຸດ­ສາ­ຫະ­ກຳ ແລະ ການຄ້າລາວ-ຫວຽດ­ນາມ, ຕ້ອງໄດ້ເພີ່ມທະ­ວີການຮ່ວມມືຊອກຫາກົນໄກໃຫມ່, ເຮັດໃຫ້­ການພົວ­ພັນການຄ້ານຳກັນມີມູນຄ່າຫລາຍຂຶ້ນຕໍ່ເນື່ອງ.

ພະແນກນະ­ໂຍ­ບາຍການຄ້າສອງຝ່າຍ, ກົມນະ­ໂຍ­ບາຍການຄ້າຕ່າງ­ປະ­ເທດ, ກະ­ຊວງອຸດສາຫະກຳ ແລະ ການຄ້າແຫ່ງ ສປປ ລາວ ເປີດ­ເຜີຍວ່າ: ມູນຄ່າການຄ້າລາວ-ຫວຽດ­ນາມໃນປີ 2010 ບັນ­ລຸ 490 ໂດລາສະ­ຫະລັດ, ທຽບ­ໃສ່ປີ 2009 ເພີ່ມຂຶ້ນ 17,2%, ສ່ວນມູນຄ່າໃນ 6 ເດືອນຕົ້ນປີ 2011, ສິນ­ຄ້າເຂົ້າ-ອອກສອງປະ­ເທດມີມູນຄ່າ 349,8 ລ້ານໂດລາສະ­ຫະ­ລັດ, ທຽບ­ໃສ່ໄລ­ຍະດຽວກັນຂອງປີຜ່ານມາເພີ່ມຂຶ້ນ 65,8%, ໃນນີ້ ສິນ­ຄ້າຫວຽດ­ນາມເຂົ້າລາວໃນມູນຄ່າ 121,6 ລ້ານໂດລາສະຫະລັດ (ເພີ່ມຂຶ້ນ 34,6%) ຂະນະທີ່ສິນ­ຄ້າລາວເຂົ້າຫວຽດນາມມີ 228,2 ລ້ານໂດລາສະຫະລັດ, ເພີ່ມຂຶ້ນ 88,6%; ນັ້ນ ສະ­ແດງວ່າລາວສົ່ງອອກສິນ­ຄ້າໄປຫວຽດ­ນາມຫລາຍຂຶ້ນແລະລາວໄດ້ເກີນດຸນການຄ້າກັບ ສສ ຫວຽດ­ນາມ 166,6 ລ້ານໂດລາສະ­ຫະ­ລັດ.

ເຖິງວ່າ­ການພົວ­ພັນການຄ້າ, ມູນຄ່າການຄ້າມີທ່າທີດີຂຶ້ນກໍ່ຕາມ, ສອງປະ­ເທດລາວ ແລະ ຫວຽດ­ນາມກໍ່ຍັງເບິ່ງວ່າ­ການຄ້າຮ່ວມກັນຍັງມີມູນຄ່າຕ່ຳຢູ່, ການ­ຈັດ­ຕັ້ງປະ­ຕິ­ບັດພັນ­ທະສັນ ຍາທີ່ມີຕໍ່ກັນບາງອັນກໍ່ຍັງເຮັດບໍ່ທັນໄດ້ດີ; ສະ­ນັ້ນ, ສອງກະ­ຊວງ  ການຄ້າລາວ ແລະ ຫວຽດ­ນາມ ຈຳ­ເປັນຕ້ອງໄດ້ຊອກຫາວິ­ທີທາງ ແລະ ກົນໄກໃຫມ່ ເພື່ອສະຫນັບສະຫນູນການຄ້າໃຫ້ບັນ­ລຸມູນຄ່າຫລາຍກວ່ານີ້.

ເມື່ອບໍ່ດົນມານີ້ ທ່ານ ຫງວຽນ ແທງບ່ຽນ ລັດ­ຖະ­ມົນ­ຕີຊ່ວຍວ່າການກະ­ຊວງອຸດ­ສາ­ຫະ­ກຳ ແລະ ການຄ້າ ສສ ຫວຽດ­ນາມ ພ້ອມດ້ວຍຄະ­ນະໄດ້ເດີນ­ທາງມາລາວ, ຕາມການເຊື້ອເຊີນເຈົ້າຫນ້າ­ທີ່ການຄ້າຂອງລາວ, ໂດຍທ່ານ ນາງ ເຂັມມະ­ນີ ພົນເສ­ນາ ລັດ­ຖະ­ມົນ­ຕີຊ່ວຍວ່າ­ການກະຊວງອຸດ­ສາ­ຫະ­ກຳ ແລະ ການຄ້າ, ທັງນີ້ກໍ່ເພື່ອທົບທວນການຈັດຕັ້ງປະ­ຕິ­ບັດການພົວ­ພັນ ການຄ້າຂອງສອງປະ­ເທດໃນ 6 ເດືອນຕົ້ນປີນີ້, ລວມເຖິງການຜັນຂະ­ຫຍາຍເນື້ອໃນກອງປະ­ຊຸມຄະນະກຳ­ມາທິການຮ່ວມລາວ-ຫວຽດ­ນາມຄັ້ງທີ 33 ໃຫ້ສຳເລັດ, ເປັນ­ຕົ້ນໂຄງ­ການພັດທະ ນາການຄ້າລະ­ຫວ່າງສອງປະເທດໃນໄລ­ຍະແຕ່ປີ 2008-2015, ການພັດ­ທະ­ນາການຄ້າຊາຍແດນ, ການຮ່ວມມືໃນການຄຸ້ມຄອງຕະ­ຫລາດ ແລະ ກວດກາການຄ້າ, ການຮ່ວມມືດ້ານວິຊາການ, ການໃຫ້ບຸ­ລິ­ມະ­ສິດອັດຕາພາ­ສີນຳເຂົ້າ-ສົ່ງອອກເຊິ່ງກັນ ແລະ ກັນ ລວມເຖິງກົນໄກການຮ່ວມມືຂອງສອງກະ­ຊວງ, ທັງຫມົດນີ້ ກໍ່ເພື່ອຊຸກ­ຍູ້ເສີມຂະຫຍາຍສາຍພົວ­ພັນການຄ້າລາວ-ຫວຽດ­ນາມໃຫ້ນັບມື້ນັບກ້າວຂຶ້ນສູ່ລະ­ດັບສູງ.

ທ່ານ ຫງວຽນ ແທງບ່ຽນ ກ່າວວ່າ: ພວກເຮົາຄວນເພີ່ມທະວີປະ­ສານງານນຳກັນໃຫ້ຫລາຍກວ່ານີ້, ທັງຊອກຫາກົນໄກທີ່ເປັນການສະ­ຫນັບ­ສະ­ຫນູນການຄ້າຫລາຍຂຶ້ນ, ເປັນ­ຕົ້ນສິນ­ຄ້າໃດທີ່ເປັນທ່າ­ແຮງຂອງປະ­ເທດຄວນຈັດຫລຸດອັດ­ຕາພາ­ສີລົງ ແລະ ສະ­ເຫນີໃຫ້ຝ່າຍລາວປະສານງານກັບຂະ­ແຫນງ­ການອື່ນທີ່ກ່ຽວ­ຂ້ອງຊອກຫາຂອດໃດທີ່ຍັງຫຍຸ້ງ­ຍາກ ແລະ ເປັນອຸ­ປະ­ ສັກຕໍ່ການຄ້າ ເຊິ່ງຍັງບໍ່ທັນແທດເຫມາະກັບຕົວຈິງ ແລະ ຝ່າຍຫວຽດ­ນາມເອງກໍ່ກຽມ­ພ້ອມຈະສະ­ຫນັບ­ສະ­ຫນູນໃຫ້­ການຊ່ວຍເຫລືອ.

ຂະ­ນະດຽວກັນ ໂຄງ­ການພັດ­ທະ­ນາການຄ້າຊາຍແດນຍັງເຫັນວ່າເຮັດບໍ່ທັນໄດ້ດີ, ລວມທັງການສ້າງສູນການຄ້າຂອງລາວຢູ່ຫວຽດ­ນາມ ແລະ ສູນການຄ້າຫວຽດ­ນາມຢູ່ລາວ, ການຈັດງານວາງ­ສະ­ແດງຕ່າງໆຢູ່ຫວຽດ­ນາມ, ຢູ່ລາວກໍ່ຈະສະຫນັບສະຫນູນໃຫ້ມີການເຂົ້າຮ່ວມມືສະ­ກັດກັ້ນສິນ­ຄ້າລັກລອບຫນີພາ­ສີ, ສິນ­ຄ້າປອມ ແປງ… ທັງນີ້ ກໍ່ເພື່ອສະ­ຫນັບສະຫນູນໃຫ້ມີມູນຄ່າການຄ້າສອງປະ­ເທດມີຜົນ­ສຳ­ເລັດຕາມແຜນທີ່ສອງລັດ­ຖະ­ບານລາວ ແລະ ຫວຽດ­ນາມໄດ້ຕົກ­ລົງກັນໄວ້.

 

 

v ບັນຫາ  ແລະ  ສິ່ງທ້າທາຍຂອງ ສປປ ລາວ ສຳລັບການເຂົ້າເປັນ AEC

  • ສິ່ງທ້າທາຍສຳລັບການຄ້າ :

-    ປະເທດຄູ່ສັນຍາອາຊຽນ ກໍ່ຄືຄູ່ເຈລະຈາຈະນຳໃຊ້ມາກີດກັ້ນການຄ້າ ແທນພາສີທີລົງເປັນ 0%ເປີເຊັນໃນປີ2015.

-    ໃນຂະນະທີ່ສິນຄ້າໄມ້ ແລ ຜະລິດຕະພັນໄມ້ລຸດລົງ.

-    ການນຳເຂົ້ານ້ຳມັນເຊື້ອໄຟຍັງໜັກໜ່ວງ.

-    ການຜະລິດເພື່ອທົດແທນ ພະລັງງານຍັງບໍ່ທັນມີພື້ນຖານທີ່ແຂງແຮງ.

-    ຍັງບໍ່ທັນມີລະບົບຄ້ຳປະກັນທີ່ໝັ້ນຄົງ ເວລາຕະຫຼາດພາຍນອກພົບປັນຫາ.

  • ສິ່ງທ້າທາຍສຳລັບການລົງທຶນ :

-    ການລົງທຶນເພື່ອການພັດທະນາ ຂະແໜ່ງອຸດສາຫະກຳປຸ່ງແຕ່ງ ຕິດພັນກັບການຜະລິດກສິກຳ ບໍ່ທັນແຂງແຮງ.

-    ຈຳນວນນັກລົງທຶນໃນເຂດແລວທາງເລກ 9 ແລະ ເລກ 3 ຍັງມີຈຳນວນຈຳກັດ, ມີພຽງແຕ່11 ບໍລິສັດທີ່ພວມລຳເນີນທຸລະກິດຕົວຈິງໃນເຂດເສດຖະກິດພິເສດ ເຊໂນ-ສະຫວັນ.

-    ສຳລັບເຂດທາງເລກ 3 ມີພຽງແຕ່ນັກລົງທຶນຈາກ ສປ ຈີນເທົ່ານັ້ນ.

  • ສິ່ງທ້າທາຍສຳລັບການທ່ອງທ່ຽວ:

-    ພື້ນຖານໂຄ້ງຮ່າງເພື່ອການຮອງຮັບບໍ່ພຽງພໍ.

-    ຍັງບໍ່ທັນມີການກຳນົດຈຸດແວ່ເຊົາ ແລະ ສະຖານທີ່ທ່ອງທ່ຽວຕາມແລວທາງຢ່າງຊັດເຈນ.

-    ລະບົບເອື່ອອຳນວຍຄວາມສະດວກຕ່າງໆ ຕາມແລວທາງຍັງມີໜ່ອຍ.

-    ລະບົບການບໍລິການຍັງບໍ່ທັນມີຄຸນນະພາບສູງ.

-    ການເຄືອນໄຫວຂອງສະມາຄົມທຸລະກິດ ລົດໂດຍສານ ແລະ ທ່ອງທ່ຽວຍັງບໍ່ທັນມີແລະ ບຽບການຢ່າງຮັດກຸມ.

-    ບຸກຄະລາກອນໃນຂະແໜ່ງການດັ່ງກ່າວທັງພາກລັດກໍ່ຄືທຸລະກິດຍັງບໍ່ທັນມີປະສົບການສູງ ທຽບກັບບັນດາປະເທດອ້ອມຂ້າງ.

-    ການໂຄຊະນາແຫຼ່ງທ່ອງທ່ຽວກໍ່ຄືການຊົມໃຊ້ຜະລິດຕະພັນລາວຍັງບໍ່ກ້ວາງຂວາງ ແລະ ເດິກເຊິງ.

-    ທຶນຮອນເພຶ່ອພັດທະນາຂະແໜ່ງການດັ່ງກ່າວຍັງຈຳກັດ.

 

  • ສິ່ງທ້າທາຍລະດັບມະຫາພາກ:

-    ຂາດເຂີນດ້ານຊັບພະຍາກອນມະນຸດ ແລະ ທຶນຮອນ.

-    ມີການສູນເສຍລາຍໄດ້ຂອງຊາດຈາກການລຸດຜ່ອນ ແລະ ລົບລ້າງອັດຕາພາສີ.

-    ຕ້ອງມີການປະຕິຮູບກົດໝາຍລົງທຶນຂະໜານໃຫ່ຍ ເພື່ອດຶງດູດໃຫ້ນັກລົງທຶນຈາກຕ່າງປະເທດ.

-    ຂາດຄວາມຊຳນານໃນການເຈລະຈາຕໍ່ລອງກັບສາກົນ.

-    ຂາດຄວາມຮັບຮູ້ຂອງສາທາລະນະຊົນ ແລະ ການມີສ່ວນຮ່ວມຂອງພາກເອກະຊົນ ແລະ ຜູ້ປະກອບການ.

2 ສະຫຼຸບ

-    ເພາະວ່າປະເທດລາວຂອງພວກເຮົາເປັນປະເທດທີ່ມີການນໍາເຂົ້າສິນຄ້າຈາກປະເທດຍັງຫຼາຍ.

-    ເພາະວ່າປະເທດລາວຂອງພວກເຮົາແມ່ນປະເທດທີ່ກໍາລັງໄດ້ຮັບຄວາມສົນໃຈໃນການລົງທຶນຈາກນັກລົງທຶນຈາກຕ່າງປະເທດ.

-    ເພາະວ່າປະເທດລາວຂອງພວກເຮົາປະເທດໄດ້ຮັບລາຍໄດ້ຈາກການທ່ອງທ່ຽວຫຼາຍພໍສົມຄວນ.

-    ເພາະວ່າປະເທດລາວຂອງພວກເຮົາໄດ້ຮັບລາຍໄດ້ໆຈາກການເກັບພາສີຈາກການຂົນສົ່ງແລະຊາວຕ່າງຊາດຫຼຸດລົງ.

 

แสดงความคิดเห็น

ใส่ความเห็น

Fill in your details below or click an icon to log in:

WordPress.com Logo

You are commenting using your WordPress.com account. Log Out / เปลี่ยนแปลง )

Twitter picture

You are commenting using your Twitter account. Log Out / เปลี่ยนแปลง )

Facebook photo

You are commenting using your Facebook account. Log Out / เปลี่ยนแปลง )

Google+ photo

You are commenting using your Google+ account. Log Out / เปลี่ยนแปลง )

Connecting to %s

Create a free website or blog at WordPress.com. The Adventure Journal Theme.

ติดตาม

Get every new post delivered to your Inbox.

%d bloggers like this: