ທ່ອງທ່ຽວ

ລາວຄາດໝາຍວ່າ “ປີທ່ອງທ່ຽວລາວ 2012” ຈະດຶງດູດເອົານັກທ່ອງທ່ຽວໄດ້ 2.6 ລ້ານຄົນ

ອົງການທ່ອງທ່ຽວແຫ່ງຊາດລາວ ຈະຈັດປີ 2012 ເປັນປີທ່ອງທ່ຽວລາວ ໂດຍມີເປົ້າໝາຍທີ່ ຈະດຶງດູດເອົານັກທ່ອງທ່ຽວຊາວຕ່າງຊາດເພີ້ມຫຼາຍຂຶ້ນໃຫ້ໄດ້ເຖິງ 2.6 ລ້ານຄົນ.

ລາຍງານໂດຍ ຊົງຣິດ ໂພນເງິນ | ບາງກອກ

 

ການໃສ່ບາດທຸກເຊົ້າເປັນປະເພນີທີ່ສືບທອດກັນມາແຕ່ດົນນານຂອງປະຊາຊົນລາວ ໂດຍສະເພາະແມ່ນຢູ່ຫລວງ ພະບາງ ຊຶ່ງເປັນເມືອງມໍລະດົກໂລກ ທີ່ເຈົ້າໜ້າທີ່ລາວເຊື່ອໝັ້ນວ່າ ຈະເປັນສ່ວນສໍາຄັນອັນນຶ່ງ ທີ່ຊ່ອຍດຶງດູດເອົາ ນັກທ່ອງທ່ຽວຕ່າງຊາດເຂົ້າໄປລາວຫລາຍຂຶ້ນ ໃນ “ປີທ່ອງທ່ຽວລາວ” 2012 ທີ່ຈະມາເຖິງນີ້.

ອົງການທ່ອງທ່ຽວແຫ່ງຊາດລາວ ຈະຈັດປີ 2012 ​ເປັນປີ
ທ່ອງທ່ຽວລາວ ໂດຍມີ​ເປົ້າໝາຍທີ່ຈະດຶງ​ດູດ​ເອົານັກທ່ອງ
ທ່ຽວຊາວຕ່າງຊາດເພີ້ມຫຼາຍຂຶ້ນ​ໃຫ້​ໄດ້​ເຖິງ 2.6 ລ້ານ​ຄົນ.

ທ່ານສາລີ ພິມ​ພິນິດ ຫົວໜ້າສຳນັກງານ​ສົ່ງ​ເສີມ​ການ​ຕະ
ຫລາດ​ຂອງອົງການທ່ອງທ່ຽວແຫ່ງຊາດລາວ​ໄດ້​ໃຫ້ການ
ຢືນຢັນ​ວ່າອົງການທ່ອງທ່ຽວແຫ່ງຊາດລາວກໍາລັງ​ຮ່າງ
ແຜນການ​ລະອຽດ ​ເພື່ອ​ສະ​ເໜີຕໍ່ຄະນະ​ລັດຖະບານ​ລາວ
ເພື່ອ​ໃຫ້ການ​ອະນຸມັດ​ແຜນການ​ກ່ຽວກັບ​ການ​ກໍາໜົດ​ໃຫ້
ປີ 2012 ​ເປັນປີທ່ອງທ່ຽວລາວຢ່າງ​ເປັນ​ທາງ​ການ​ໃນໝໍ່ໆນີ້.

 

ການທ່ອງທ່ຽວທີ່ອານຸລັກ ທໍາມະຊາດ ຢູ່ໃນລາວ

ພາຍ​ໃຕ້ແຜນການ​ດ່ັງກ່າວ​ນີ້
ນອກຈາກອົງການທ່ອງທ່ຽວ
ແຫ່ງຊາດລາວຈະ​ໄດ້​ຕັ້ງ​ເປົ້າ
ໝາຍທີ່​ຈະດຶງ​ດູດ​ເອົານັກ
ທ່ອງທ່ຽວຊາວຕ່າງຊາດ​ໃຫ້
ພາກັນ​ມາ​ທ່ອງ​ທ່ຽວ​ໃນ​ລາວ
ໃຫ້​ໄດ້ບໍ່ໜ້ອຍກວ່າ 2.6
ລ້ານ​ຄົນ​ໃນ​ຕະຫລອດ​ປີ
2012 ​ແລ້ວກໍ​ຍັງ​ໄດ້​ແນ​ໃສ່​
ການກຽມຄວາມ​ພ້ອມ​ທັງ​ໃນ​ດ້ານ​ໂຮງ​ແຮມ, ຮ້ອນ​ອາຫານ,
ສະຖານ​ທີ່​ທ່ອງ​ທ່ຽວ ​ແລະ​ການ​ບໍລິການ​ຕ່າງໆ ສຳລັບ
ຮອງ​ຮັບ​ປີ​ທ່ອງ​ທ່ຽວລາວ​ໃຫ້​ໄດ້ຢ່າງມີ​ປະສິດທິພາບ ​ແລະ​ໃຫ້​ເປັນ​ທີ່​ປະ​ທັບ​ໃຈ​ຂອງ​ນັກ​ທ່ອງ​
ທ່ຽວຊາວ​ຕ່າງ​ຊາດ​ ອີກ​ດ້ວຍ.

 

Songrit Pongern

ຂະບວນລົດແຂ່ງ rally ຈາກຈີນ ຢູ່ໜ້າ ໂຮງແຮມ ດອນຈັນພາເລສ ທີ່ວຽງຈັນ.

ທາງ​ດ້ານ​ທ່ານ​ສຸກ​ກະ​ເສີມ ​ໂພທິ
ສານ ຮອງ​ປະທານອົງການທ່ອງ
ທ່ຽວແຫ່ງຊາດລາວກໍ​ໄດ້​ໃຫ້ການ
ຍອມຮັບ​ວ່າ ການ​ທີ່​ທາງ​ການ​
ລາວ​ຈະ​ສາມາດ​ຈັດກຽມຄວາມ
ພ້ອມໃນ​ດ້ານ​ຕ່າງໆ ​ເພື່ອ​ຮອງ
ຮັບ​ປີ​ທ່ອງ​ທ່ຽວລາວ​ໃຫ້​ໄດ້​ຢ່າງ
ແທ້​ຈິງ​ນັ້ນ ກໍ​ຈຳ​ເປັນຢ່າງ​ຍິ່ງ​ທີ່
ຈະ​ຕ້ອງ​ໄດ້​ຮັບ​ການ​ປະກອບ
ສ່ວນ​ຈາກທາງ​ພາກ​ເອກະ​ຊົນ ທັງ​ໃນ​ດ້ານ​ເງິນ​ລົງທຶນ​ແລະ​ບຸກ
ຄະລາກອນ​ດ້ານ​ການທ່ອງທ່ຽວ ດັ່ງ​ທີ່​ທ່ານ​ໄດ້​ກ່າວ​ເນັ້ນຢໍ້າວ່າ:

“ອັນ​ນຶ່ງກໍ​ຄື ​ເຮັດ​ຈັ່ງ​ໃດ​ໃຫ້ພາກ​ສ່ວນເອກະ​ຊົນ​ເຂົາມາ​ມີ​ບົດບາດ​ສຳຄັນ​ໃນ​ການ
ວາງ​ແຜນການ​ພັດທະນາ​ໃນ​ໄລຍະ​ຕໍ່​ໄປ​ນີ້ ​ແລະ​ໃຫ້​ນັກ​ລົງທຶນ​ທັງ​ພາຍ​ໃນ ​ແລະ
ຕ່າງປະ​ເທດ ມີ​ຄວາມ​ເຊື່ອໝັ້ນຕໍ່ນະໂຍບາຍ​ຂອງພວກ​ເຮົາ ​ແລ້ວ​ດຶງ​ດູດ​ນັກ​ລົງ
ທຶນ​ທັງ​ພາຍ​ໃນ​ແລະ​ຕ່າງປະ​ເທດ​ມາ​ລົງທຶນ​ໃຫ້​ຫລາຍ​ກວ່າ​ເກົ່າ ​ໃນ​ຂະ​ແໜງອຸດ
ສະຫະກຳ​ທ່ອງ​ທ່ຽວຂອງ​ພວກ​ເຮົາ”

ປັດຈຸບັນ​ນີ້ ທົ່ວ​ປະ​ເທດ​ລາວ​ມີ​ໂຮງ​ແຮມ 357 ​ແຫ່ງ, ບ້ອານ​ພັກ 1,127 ​ແຫ່ງ, ຮ້ານ
ອາຫານ 1,246 ​ແຫ່ງ ​ແລະ​ສະຖານ​ທີ່​ທ່ອງ​ທ່ຽວທຳ​ມະ​ຊາດ ​ແລະ​ວັດທະນະທຳ 1,493
ແຫ່ງ. ຫາກ​ແຕ່​ວ່າ​ໃນ​ຈຳນວນ​ນີ້ ມີ​ພຽງ 456 ​ແຫ່ງ​ເທົ່າ​ນັນ ທີ່​ໄດ້​ຮັບ​ການ​ພັດທະນາ
ໃຫ້​ສາມາດ​ຮັບຮອງ​ນັກ​ທ່ອງ​ທ່ຽວ​ໄດ້​ແລ້ວ ​ໃນ​ຂະນະ​ທີ່​ໂຮງ​ແຮມ ​ແລະ​ບ້ານ​ພັກ​ໃນທົ່ວ
ປະ​ເທດ​ນັ້ນ ກໍ​ສາມາດ​ຮອງ​ຮັບ​ນັກ​ທ່ອງ​ທ່ຽວ​ໄດ້​ທັງໝົດ 37,500 ຄົນ​ຕໍ່ມື້.

 

Songrith Pongern

ລາວແລະຈີນເຊັນບົດບັນທຶກຄວາມເຂົ້າໃຈໃນທ້າຍປີ 2010 ເພື່ອລົງທຶນສ້າງທາງລົດໄຟເຊື່ອມຕໍ່ຈາກຈີນ ຫາວຽງຈັນ, ລາວ.

ກ່ອນ​ໜ້ານີ້ ທ່ານສົມພົງ ມົງຄົນ
ວິໄລ ລັດຖະມົນຕີປະຈໍາສໍານັກ
ງານນາຍົກລັດຖະມົນຕີ ແລະ
ປະທານອົງການທ່ອງທ່ຽວແຫ່ງ
ຊາດລາວໄດ້ສະແດງຄວາມເຊື່ອ
ໝັ້ນວ່າໂຄງການກໍ່ສ້າງທາງລົດ
ໄຟຄວາມໄວສູງ ລະຫວ່າງຈີນ
ກັບລາວ ທີ່ຈະເຊື່ອມຕໍ່ໄປຍັງປະ
ເທດໄທ-ມາເລເຊຍ ແລະສິງກະ
ໂປ ຫຼືທີ່ເອີ້ນວ່າໂຄງການເຊື່ອມ
ຕໍ່ທາງລົດໄຟອາຊຽນ-ຈີນນັ້ນຈະ
ສົ່ງຜົນ​ດີຕໍ່ການ​ພັດທະນາ​ການ
ທ່ອງທ່ຽວຂອງ​ລາວ​ໃນອານາ​ຄົດ.

ທັງ​ນີ້ກໍເນື່ອງ​ຈາກ​ວ່າ ການເດີນທາງດ້ວຍລົດໄຟຄວາມໄວສູງທີ່ສະດວກ​ແລະ​ວ່ອງ​ໄວ​ນັ້ນ ຈະເຮັດໃຫ້ນັກທ່ອງທ່ຽວຊາວຕ່າງຊາດພາກັນເດີນທາງເຂົ້າມາທ່ອງທ່ຽວໃນລາວເພີ່ມຫຼາຍ
ຂຶ້ນຢ່າງ​ຕໍ່​ເນື່ອງ ໂດຍສະເພາະແມ່ນນັກທ່ອງທ່ຽວຊາວຈີນນັ້ນ ກໍ່ເຊື່ອວ່າຈະເດີນທາງເຂົ້າ
ມາທ່ອງທ່ຽວໃນລາວຫຼາຍກວ່າທຸກປະເທດເມື່ອການກໍ່ສ້າງທາງລົດໄຟຄວາມໄວສູງດັ່ງກ່່າວ
ນີ້ ໄດ້ດໍາເນີນການເສັດສົມບູນແລ້ວໃນປີ 2015.

Songrit Pongern

ການຂີ່ຊ້າງທ່ອງທຽວ ຕາມທໍາມະຊາດ

ອິງຕາມແຜນການກໍ່ສ້າງທາງລົດໄຟຄວາມໄວສູງສະເພາະ
ໃນເຂດລາວ ທີ່ເຊື່ອມຕໍ່ຈາກຈີນທີ່ຢູ່ດ່ານຊາຍແດນບໍ່ເຕັນ
ໃນແຂວງຫຼວງນໍ້າທານັ້ນ ຈະມີການກໍ່ສ້າງສະຖານີໃຫຍ່ 5
ແຫ່ງ ກໍຄືຢູ່ທີ່ດ່ານບໍ່ເຕັນ, ອຸດົມໄຊ, ຫຼວງພະບາງ, ວັງ
ວຽງແລະນະຄອນວຽງຈັນ. ນອກຈາກ​ນັ້ນ ກໍຈະມີສະຖານີ
ນ້ອຍອີກ 16 ແຫ່ງ ທີ່ຢູ່ລະຫວ່າງສະຖານີໃຫຍ່ທັງຫ້າແຫ່ງ
ດັ່ງກ່າວ.

ຍ້ອນວ່າຈະ​ມີ​ເສັ້ນທາງ​ເຫລົ່ານີ້ ຈຶ່ງ​ເຮັດ​​ໃຫ້ທາງ​ການລາວ​ເຊື່ອໝັ້ນວ່າ ຈະ​ມີນັກທ່ອງທ່ຽວ
ຊາວຕ່າງຊາດ ຫຼາຍກວ່າ 2.8 ລ້ານຄົນທີ່ຈະເດີນທາງເຂົ້າໄປລາວໃນປີ 2015. ສ່ວນປີ
ທີ່ຜ່ານມານັ້ນ ປາກົດວ່າມີນັກທ່ອງທ່ຽວຊາວຕ່າງຊາດເກືອບ 2.2 ລ້ານຄົນ ເດີນທາງ ເຂົ້າໄປທ່ຽວໃນລາວ.

ຂ່າວທີ່ກ່ຽວຂ້ອງກັນ

ລາວຈະຈັດປີ 2012 ໃຫ້ເປັນປີ “ທ່ອງທ່ຽວປະເທດລາວ“

ອົງການທ່ອງທ່ຽວແຫ່ງຊາດລາວ ວາງແຜນການທີ່ຈະຈັດ ການສົ່ງເສີມ ປີທ່ອງທ່ຽວປະເທດລາວ ໃນປີ 2012 ໂດຍຫວັງວ່າຈະດຶງດູດເອົາ ນັກທ່ອງທ່ຽວຕ່າງຊາດເພີ້ມຂຶ້ນ.

 

ใส่ความเห็น

ใส่ความเห็น

Fill in your details below or click an icon to log in:

WordPress.com Logo

You are commenting using your WordPress.com account. Log Out / เปลี่ยนแปลง )

Twitter picture

You are commenting using your Twitter account. Log Out / เปลี่ยนแปลง )

Facebook photo

You are commenting using your Facebook account. Log Out / เปลี่ยนแปลง )

Google+ photo

You are commenting using your Google+ account. Log Out / เปลี่ยนแปลง )

Connecting to %s

สร้างเว็บไซต์หรือบล็อกฟรีที่ WordPress.com.

%d bloggers like this: