ອາຫານ

ຕຳໝາກຫຸ່ງ
ເມື່ອເອີ່ຍຊື່ເຖິງ ຕຳໝາກຫຸ່ງ ປະຊາຊົນຄົນລາວບັນດາເຜົ່າ ທຸກຊັ້ນຄົນ ທຸກເພດໄວ ຍ່ອມຮູ້ຈັກລົດຊາດ ສີສັນຂອງມັນເປັນຢ່າງດີ ເພາະວ່າ ຕຳໝາກຫຸ່ງໄດ້ມີມາ ຄູ່ກັບຊາດລາວ ຄົນລາວຕັ້ງແຕ່ໃດໆມາ. ຕຳໝາກຫຸ່ງຖືວ່າເປັນອາຫານຂອງຄົນລາວຊະນິດໜຶ່ງ. ຄົນລາວຕຳໝາກຫຸ່ງກິນກັນໃນຄອບຄົວ ແລະ ຕຳຂາຍຢູ່ທົ່ວສັງຄົມ ທັງໃນໂຕເມືອງ ແລະ ຊົນນະບົດ. ປັດຈຸບັນ ຕຳໝາກຫຸ່ງ ບໍ່ພຽງແຕ່ມີຂາຍຕາມຮ້ານນ້ອຍແຄມທາງທໍ່ນັ້ນ ແຕ່ກໍຍັງເຂົ້າໄປເອກອ້າງຢູ່ຕາມໂຮງແຮມ ຮ້ານອາຫານໃຫຍ່ໆ ຊຶ່ງມີຄົນນິຍົມກິນ ບໍ່ຕຳ່ຕ້ອຍດ້ອຍໝ້າອາຫານປະເພດອື່ນໆ. ສຳລັບຕຳໝາກຫຸ່ງນີ້ ສາມາດນຳມາກິນໄດ້ທັງເວລາຍັງດິບຄື ເອົາມາຕຳສົ້ມ, ເອົາມາໝື້ງ ຫລື ແກງໃສ່ຊີ້ນ ໃສ່ປາກໍໄດ້ ແລະ ເວລາສຸກກໍນຳມາກິນເປັນຂອງຫວານ ລົດຊາດຫອມຫວານດີ. ຕຳລາຢາພື້ນເມືອງລາວກໍເຄີຍເນາະນຳວ່າ ກິນໝາກຫຸ່ງສຸກຖ່າຍສະດວກ ແລະ ແກ້ເຈັບຫລັງ ເຈັບແອວ. ນັບວ່າໝາກຫຸ່ງໃຫ້ປະໂຫຍດທັງເປັນອາຫານ ແລະ ເປັນຢານຳພ້ອມ. ເຖິງແມ່ນວ່າຕຳໝາກຫຸ່ງເປັນອາຫານທີ່ນິຍົມຊົມຊອບຂອງຄົນລາວທົ່ວໄປ ແລະ ຖືວ່າເປັນອາຫານພື້ນເມືອງມາແຕ່ປຸແຕ່ປູ້ກໍຈິງ ແຕ່ມັນກໍຍັງບໍ່ທັນໄດ້ຮັບການໂຄສະນາ ສົ່ງເສີມເປັນທີ່ຮັບຮູ້ ແລະຍອມຮັບຂອງຄົນຕ່າງດ້າວທ້າວຕ່າງແດນ, ຂະນະທີ່ປະເທດໃກ້ຄຽງໄດ້ເອົາໃຈໃສ່ໂຄສະນາຄຸນຄ່າຕຳໝາກຫຸ່ງ ຢ່າງອອກໝ້າອອກຕາ. ຖ້າຈະເວົ້າກັນຕາມສູດແລ້ວ ຕຳໝາກຫຸ່ງແບບລາວເຮົານັບວ່າມີການປຸງແຕ່ງທີ່ໄດ້ລົດຊາດແຊບນົວຫລາຍ ເພາະມີປາແດກເປັນເຄື່ອງປຸງຫລັກ, ໂດຍສະເພາະປາແດກຕ້ວງ ຈະເຮັດໃຫ້ລົດຊາດແຂບຊ້ອຍ ແລະ ມີກິ່ນຫອມເປັນພິເສດ ຈົນມີຄຳກອນບົດໜຶ່ງກ່າວໄວ້ວ່າ ຢ່າລືມຊຸບໝາກມີ້ຂອງດີຕັ້ງແຕ່ປູ່ ຢ່າລືມປາແດກຕ້ວງຕຳສົ້ມໝາກຫຸ່ງເຮົາ. ຕຳໝາກຫຸ່ງແບບລາວນັ້ນ ຖ້າປາແດກນົວດີແລ້ວ ບໍ່ຈຳເປັນໃສ່ແປ້ງນົວກໍໄດ້. ໃນສະໄໝກ່ອນໆ ກໍບໍ່ໄດ້ໃຊ້ແປ້ງນົວໃສ່ຕຳໝາກຫຸ່ງ ຫລື ອາຫານປະເພດອື່ນໆ ແຕ່ອາຫານກໍແຊບນົວດີ ຍ້ອນປາແດກແຊບນັ້ນເອງ. ຕຳໝາກຫຸ່ງລາວມີສ່ວນປະກອບສຳຄັນເຊ່ນ: ປາແດກ, ໝາກເຜັດ, ຫົວຜັກທຽມ, ໝາກເຂືອເຄືອ ຫລື ໝາກເລັ່ນ, ໝາກນາວ ຫລື ໝາກຂາມສຸກ ຫລື ໝາກກອກ, ໝາກຖົ່ວດິນ, ກະປູນ້ອຍ (ດຽວນີ້ກະປູດິບຄົນບໍ່ຄ່ອຍນິຍົມ ເພາະຢ້ານເປັນພະຍາດໃບໄມ້ໃນຕັບ) ເຄື່ອງກິນກັບຕຳໝາກຫຸ່ງກໍມີ: ຜັກບົ້ງ, ຜັກກະຖິນ, ຂຽບພອງ, ລຳທູນ ແລ້ວແຕ່ຊອກມາຫາໄດ້. ການກິນຕຳສົ້ມໝາກຫຸ່ງນັ້ນ ມີທັງກິນຕາງສົ້ມ ເພື່ອແກ້ງ້ວງ ເຊັ່ນ: ເມົາຄ້າງ. ກິນເປັນອາຫານກັບເຂົ້າ, ກິນແກ້ມເຫລົ້າ ແລະ ອື່ນໆ. ເພື່ອໃຫ້ສົມກັບວ່າ ລາວເຮົາເປັນເຈົ້າຕຳນານຕຳໝາກຫຸ່ງນັ້ນ ເຮົາຄວນສົ່ງເສີມອາຫານພື້ນບ້ານພື້ນເມືອງຂອງປະເທດເຮົາ ປະເພດນີ້ໃຫ້ເປັນທີ່ຍອມຮັບ ແລະ ນິຍົມຊົມຊອບຂອງແຂກໄປໄທມາ ໃຫ້ເຂົາຮູ້ວ່າຕຳໝາກຫຸ່ງນັ້ນ ເປັນອາຫານລາວທີ່ມີລົດຊາດພິເສດ, ເຊື່ອວ່ານັກທ່ອງທ່ຽວຄົງຈະຢາກຊອກກ່ຽວກັບອາຫານປະເພດນີ້ວ່າມີລົດຊາດແນວໃດ ຫາກວ່າມີບ້ານໃດຄິດຈັດງານແຂ່ງຂັນຕຳໝາກຫຸ່ງອວດແຂກທ່ອງທ່ຽວຢູ່ຈຸດໃດຈຸດໝຶ່ງ ເຊື່ອວ່າຄົງໄດ້ຮັບຄວາມສົນໃຈຢ່າງຫລວງຫລາຍ ແລະ ເຊື່ອວ່າຕຳໝາກຫຸ່ງຂອງລາວບໍ່ອາຍ ແລະ ບໍ່ຕຳຕ້ອຍຂອງປະເທດອື່ນເປັນເດັດຂາດ. ອັນພົ້ນເດັ່ນກວ່ານັ້ນ ຕຳໝາກຫຸ່ງຂອງລາວຢູ່ເມືອງລາວແມ່ນມີກັນທດກຂອກແຄແຈຮົ້ວ ບໍ່ແມ່ນເລື່ອງຊອກຫາເບິ່ງຫາກິນຍາກແນວໃດເລີຍ.

 

ใส่ความเห็น

ใส่ความเห็น

Fill in your details below or click an icon to log in:

WordPress.com Logo

You are commenting using your WordPress.com account. Log Out / เปลี่ยนแปลง )

Twitter picture

You are commenting using your Twitter account. Log Out / เปลี่ยนแปลง )

Facebook photo

You are commenting using your Facebook account. Log Out / เปลี่ยนแปลง )

Google+ photo

You are commenting using your Google+ account. Log Out / เปลี่ยนแปลง )

Connecting to %s

สร้างเว็บไซต์หรือบล็อกฟรีที่ WordPress.com.

%d bloggers like this: